眾所9知，好多日本人妻都會整愛心便當畀自己個老公豬同小朋友，唔係求求其其炒個蛋加塊午餐肉嗰種呀，係靚到你唔捨得食嘅嗰種呀！不過原來香港人妻都唔輸蝕㗎～嗱，有圖有真相，一齊睇下人妻sss整嘅愛心便當係點啦～

日本人妻代表：

嗚呀......呢個咪傳說中斬咗小朋友個頭然後再裝落自己度嘅小火車？又真係整得幾似，好打耳呀，我唔客氣喇！

唔止呀，成個迪迪尼同toy story系列都有呀，真係卡娃依到呢......老老竇竇，如果毛毛個飯盒係咁，一個鐘食飯時間實唔夠啦。起碼要用半個鐘嚟欣賞下個飯盒先對得住呀媽啦，再用多半個鐘嚟相機食先，仲有要多半個鐘搵埋女神一齊再欣賞⋯⋯哎呀，咁就個半鐘喇都未開始食！

香港人妻代表：

好在香港嘅人妻sss都唔輸蝕，識得整返兩隻哈囉吉蒂啫，完全拍得住日本人妻！聽講呢個香港代表除咗會整小朋友嘅愛心飯盒，平時煮餸都會落足心機，睇過～

係《IQ博士》入面嘅宇宙大王呀，見到呢兩隻椒真係咩童年回憶都返晒嚟、飯都扒多幾啖！唉......不過香港啲學生咁忙，連食飯時間都冇乜，整得咁靚都食唔晒啦，望幾眼止下肚餓都仲得嘅......

來源：mihov3vo、Candace_mama