即係咁，返工有幾苦悶唔使毛毛講㗎啦，做得慢又畀人鬧，個腦細又黑口黑面咁喎，有時真係想攬住屋企隻毛孩呻下～唉，如果腦細畀我帶埋屋企隻毛孩返工就好喇！嗯，好心幾廿歲就唔好咁多幻想.jpg......最近有間公司就出咗通告，講明話「不要攜帶任何與工作無相關的生物回到店中」，包括昆蟲呀動物呀男朋友呀咁......

唓！好多外國公司都鼓勵員工帶寵物返工㗎啦，就連港大都有隻盧寵物，點解我哋唔可以帶寵物返工喎？

唔好以為帶寵物返工會令員工分心，成日見唔到自己隻心肝寶貝先心掛掛呀～

另外，其實帶多個人嚟返工對你哋班腦細嚟講都有着數吖～你哋諗下喎，畀一份人工就可以請到兩個人返嚟，抵到爛呀！不過，為咗顧及一眾毒L嘅感受，毛毛建議你哋班妹豬都係唔好帶男朋友返工！咩啫......你哋平時fb、ig放閃仲唔夠咩，做咩仲要閃到返嚟公司現場喎......嗚呀！

資料來源：妞新聞