正苦成日都叫我哋要包容，但係有啲人就連一棵樹都包容唔到。好似最近就有網民喺柴灣影到，有議員竟然話啲樹影響市容呀，咩樹呀而家？

睇嚟呢位議員心入面嗰把尺同港鐵捉樂器入閘一樣咁嚴厲呀下！佢仲話啲過於高大嘅樹影響市容?！下？高大就影響巿容？咁馬德鐘呀姚明呀嗰啲點算？嗯，不過停一停、諗一諗，可能佢想話遮住咗司機視線，會有機會發生意外，搞到成地血淋淋，咪影響市容囉（好似係）！

呢位議員嘅遠見同神邏輯，我哋真係識條鐵呀！不過影響巿容嘅又何止呢棵樹吖？佢仲有啲親戚成日講錯嘢用錯字，阻礙巿民認識祖國、愛國愛港呀！

不過又唔可以一概而論嘅，樹之中都有啲好使好用嘅樹嘅，就好似呢棵喺Mega Box側邊嘅樹咁：

又做到宣傳，又善用土地空間，真係一舉兩得呀！

封面圖片來源：FS Chan Edmond‎

資料來源：柴灣人柴灣事