2015年10月30日 星期五
Toyz寫藏頭詩：終共逼我打假賽？
《英雄聯盟》S5世界大賽有選手疑似打假賽？HKE中路選手Toyz都喺fb打咗一大段嘢，講返自己嘅近況同回應下單嘢......
咦，愈睇愈唔對路，點解講到1999、仲文青過文青689嘅？嘩嘩嘩，不得了！原來佢係打緊藏頭詩呀！大家睇唔睇到呀？佢話「我想大家不知到（道）終（鍾？）共逼我打假賽，在LMS抱歉我不會做下留（流）的事」呀！！！有網民認為「終共」係暗指緊鍾共，即係HKE腦細，話佢操⋯⋯控緊個比賽囉疑似。
而Riot都喺網站發咗個聲明，話「接獲舉報，HKE（Hong Kong eSports）職業戰隊於 LMS 夏季聯賽 07/09（四）對上 MSE（Midnight Sun）的比賽中，有疑似意圖操控比賽結果的情形。」，仲話查到喺比賽前，啲管理層堅係有叫教練教啲選手特登輸咗嗰兩場比賽！
.png)
雖然最後HKE都畀人用棄賽罰款條例，罰咗新台幣 20 萬元......但典解呢個世界咁黑暗㗎......老老竇竇，除咗假嘢係真係假之外，毛毛已經唔知仲有咩係真......
Btw，用藏頭詩嚟同腦細表達意見呢個方法又幾好，含蓄得嚟又講到你想講嘅嘢，但你腦細個腦會唔會太細get唔到就唔知喇～Any肥，我知唔係個個都好似毛毛咁好文采㗎嘛......唔緊要，由於時間關係，毛毛已經幫你哋搵咗個藏頭詩產生器！
撳個掣就得，仲有得揀收埋句嘢喺第幾個字?，真係既方便，又快捷～而呢首詩，我覺得唔止藏頭，仲有藏尾（句）呀！好詩好詩！
