細細個毛媽就教落，識女仔唔可以剩係睇個樣，有內涵先係好女仔！雖然毛毛而家廿幾歲仔……都未有女朋友！但係，毛毛好似終於都遇上我生命中嘅女神喇！

呢個女仔噚日搭港鐵嘅時候見到有個男仔喺度食緊朱古力波波，其實都好正常吖，有人成張床呀成堆篋陣運入港鐵都有啦，我哋香港人有咩未見過吖。之但係呢個人食下食下，個下巴好似穿咗咁，一粒、兩粒、三粒……雖然冇催眠到人，但就搞到一地都係朱古力波彈彈波囉！

喺呢個毛文，呢個女仔笨冇退縮，佢主動拎張紙巾出嚟執返晒啲朱古力波呀！跟手再遞返畀個男仔，個男仔最後仲同佢一齊執返啲朱古力?！跟住，跟住個女仔喺下一站落咗車囉，如果唔係，根據大台嘅定律，呢個好可能係一段大好姻緣嘅開始呀！

網民都like爆呢個女仔，個個都讚佢堅型，個post仲一日之內有成二千幾個like?！毛毛都封咗你做我嘅新女神喇，多謝你令我對人又有返啲希望呀！

封面圖片來源：Angela Chu Chu

資料來源：Tai Po大埔