為咗交租，你可以去到幾盡？日日啃麵包、等九點先買特價壽司？都唔算好盡啫！

有網民開post傷心些牙，話佢同男友每個月扣咗租金同日常開支，只係淨返一兩千蚊儲起第時結婚用。擺酒同禮金都一百幾十萬啦，每個月儲咁少，咪儲到幾廿歲？真係要諗多啲計仔慳錢先得喎。

佢男友就醒喇，知道屋企支茄汁用晒，就諗咗個絕世慳錢大法⋯⋯去快餐店度拎呀！識拎，就梗係唔止拎一兩包啦。

成功拎到4包之後，再下一城，爆晒成身嘅霸氣出嚟大佢多句：「 你唔可以畀定幾包比我嘅咩！！！」咁咪可以屈7個店員，I mean屈到個店員畀7包茄汁你囉～

行入快餐店講幾句就攞到半支茄汁，成績唔錯呀下，不過正所謂大雞唔食細米，係屈就屈埋牛油、胡椒粉、餐具乜乜乜嘛，參考下最新慳得醒大法啦：

嘩，4 – 5 個share呀！每人又會畀4 - 5個人like，一傳十十傳百咁高曝光率，佢實會成兜茄汁都畀埋你啦！慳埋慳埋，咁咪好快上到樓囉yeah！

封面圖片及來源：NoAngel ／ 香港討論區