強國又有山寨貨喇，今次係將成個威尼斯水都山寨出嚟，幾叻叻呀！

呢個位於大連嘅山寨威尼斯用咗50億嚟起，下年就會開幕㗎喇！佢仲威到連外國傳媒Insider都有報導?！網民啲反應好熱烈㗎……熱烈地恥笑呀！

有網民話一啲都唔似威尼斯，仲有人話強國唔識歷史，亂起啲意大利建築物喎！太過份喇，竟然咁樣話山寨大國！就等毛毛搵張真‧威尼斯嘅相找不同先！

大家都係有建築物呀、水呀、同埋船，只不過可能強國啲空氣污濁咗少少少少少，啲水污穢咗少少少少少，同埋個船夫係講煲冬瓜啫！樂觀啲睇，都幾有中國特色吖！

封面圖片來源：中新網/Insider

資料來源：Insider 、中新網