邊有男人唔鍾意波吖，我意思係足球呀籃球呀嗰啲波呀！最近日本有個高中生入咗一球靚波，搞到毛毛都忍唔住要大叫：神奇頂級超卓呀！

呢場波係日本全國高中冠軍賽嘅八強賽事，當時兩隊都打成平手。就喺加時賽嗰陣，呢個高中生用個心口一控，腳面一踢，一個轉身抽射入網，咁就嬴埋個比賽喇！GOAL！！

唔止佢成班隊友都超激動，毛毛睇完都成身起晒雞皮呀！成件事好熱血好似拍緊日劇咁呀嗚哇！毛毛都好想喺香港見到呢個場面，不過學689話齋，運動員都冇經濟貢獻，啲學生哥都係繼續去上補習班繼續死讀爛讀，咁第時先有前途㗎嘛。我哋而家都係丁住日本人啲片先啦：

封面圖片來源：youtube截圖

資料來源：NOW新聞