唔知大家有冇睇過《醉爆伴郎團》呢套戲？故事係講成班伴郎喺新郎哥婚禮前一晚開party慶祝，點知飲大咗仲做咗好多癲嘢出嚟，好似搶老虎呀咁。有個外國男人都喺開party之後飲醉咗，醒返之後就發現……

HiHi！有條契弟紋咗副眼鏡喺佢塊面度呀！雖然個男人真係好慘，不過有時真係忍唔住笑……老老竇竇，毛毛覺得紋嗰個人其實都幾有藝術天份吖。嗱你知啦，紋身師傅隻手又要定，畫個圖案又要似，又要唔好整到啲重要器官，呢個神秘紋身師就完全滿足到以上三個要求，仲好細心咁幫副眼鏡加埋個牌子名?！

不過個男人就唔係咁鍾意囉，佢仲話一開頭以為支筆係普通marker先畀人畫咋。

而家佢就要做激光激走啲紋身，要做成兩年㗎陰公！毛毛希望佢呢兩年都唔好再飲醉酒啦，唔係再畀人紋多頂帽呀、紋多件衫呀咁，兩年又兩年、兩年又兩年，到時真係要砍掉重練去整埋個容喇。

講真吖，除咗無啦啦多個紋身之外，飲醉酒仲有好多手尾跟㗎！

所以毛毛都好少去飲酒嘅！冇呀......冇人約嘛......

封面圖片及資料來源：每日郵報