雖然東京係個好多廢青去嘅現代化城市，但都有好多神社同寺廟㗎。有個網友某日發咗神經，將呢啲地方用線連埋一齊，發現咗個震驚一億人嘅事實呀！

原來呢片土地暗藏玄機，將啲神社連埋一齊之後有個雙重五芒星陣。真係好勁！好神秘呀！一定係啲古人特別設計過，用嚟做啲無人明嘅嘢。

除咗東京之外，全個日本都一樣有啲類似嘅陣。

之但係毛毛好奇去search下東京到底有幾多間神社，個結果係咁嘅－

好多好多好多代表神社嘅紅點呀。

如果隨便連都得嘅話，話連埋係龍蝦，又或者係tvmost buddy都得架啦！下次不如話中國國旗隱藏咗係日本嘅土地上，一定震驚到十三億人㗎！

封面及資料來源：Computerozi/ twitter、一旦接受了這種設定