愛，唔係得個講字，係要做出嚟㗎！

女神唔夠高睇Show，影唔到靚相呃唔到like，好大件事㗎嘛！身為兵仔，就要盡自己最大能力去幫佢！就算要自己拋埋個身出嚟，都係一件好合理嘅事！好似呢兩位出盡奶力托住娘娘睇show嘅浸大同學仔咁，完全將做兵境界提升到另一個層次！真係睇到毛毛眼都濕埋，呢啲咪叫做愛囉！放心啦，娘娘見到你哋咁辛苦，一定會將你哋由三等兵升到去二等兵㗎！到時距離娘娘正印位置咪又近咗一大步囉！

諗諗下，我哋仲要多謝呢個娘娘?呀！因為佢，天下兵仔又有一個新技能喇！

其實毛毛都好葡萄你哋有得同娘娘一齊睇show，仲有得掂佢（鞋底）！我連行近啲都唔敢呀......冇機會囉......

封面圖片及資料來源：Arthur Cheung