躍下來～跳出去～～一返到office就見到對面天台有個企到咁出嘅人影，嚇到中環一班打工仔個心離一離。報警報足兩次先知道企喺度嘅只係個雕塑，呢一切都係藝術。

藝術嘅嘢，就咁睇嘅話又識佢條橋咩，個英國藝術家話係「要引領人思考人建造嘅世界同地球本身嘅關係」咁喎～所以擺咗成31個雕塑喺中西區。原本預咗19號先擺勻成個中西區，點知提早咗幾日，又無通知，嚇親啲無知嘅打工仔呀。

毛毛強烈建議腦細都可以實踐行為藝術，去對面天台尋找自己喺世界上嘅位置，唔使心急，慢慢慢慢慢搵，搵唔到唔好返嚟呀～

資料來源：蘋果日報 ,「視界 香港」