殯儀館已經好難唔好生意㗎啦，都仲要拎埋個頭頂畀人賣廣告，真係世界難撈呀，慘得過仲要真係有人肯買，仲要係航空公司?，啋過你呀喂！

堂堂航空公司竟然話我們很高興送您到世界殯儀館，唔係唔老黎呀化？

話說原本呢廣告應該係送你去歐洲，上你架飛機係條命仔你管喎，你唔係同啲咩大酒店有合作計劃呀？

不過有網民路過呢度用另一個角度仲影多一次仲疑似順手執走咗歐洲兩隻字，不過又好似一啲違和感都冇。

唉毛毛睇完都煩惱緊唔知搭唔搭佢架飛機好，不過諗到算啦我邊有錢去歐洲吖問題就解決咗喇。

來源：Amelie Lui、Cyril Wong