世上嘅怪事都被高登巴打遇上了！買支楊枝甘露返嚟，支嘢竟然玩自爆，仲爆到一地都係！

點解好好地一支香港製造嘅楊枝甘露會學強國嘢自爆㗎？（咳咳）是咁的，查實食物接觸到細菌之後細菌增生會釋出二氧化碳啦而楊枝甘露有酸性喎又有另加葡萄糖，喺樽內氧氣不足溫度適合嘅情況下呢會發酵得更加犀利喇除咗有惡臭仲會儲埋啲氣隨時爆炸?，就係咁喇。

巴打可能返學唔太認真聽書啦，無諗到發酵可以咁大件事，冷落呢枝嘢兼擺喺度足足幾日，唔怪得會谷氣谷到衝出書包、射埋上天花板，仲搞到巴打成身濕晒。

瑞典就有出名臭嘅魚罐頭同樣因為發酵而爆炸呀，香港都唔輸蝕！睇嚟楊枝甘露都有潛質發展成為香港獨家嘅生化武器喎。

封面圖片來源：自修室痴線佬/高登討論區
資料來源：高登討論區, wikipedia, case