叮噹真係巧叻叻，次次都可以變到唔同嘅法寶出嚟幫大雄，除咗最常用嘅竹蜻蜓同隨意門之外，毛毛最想要就係呢件法寶㗎喇～

留意返，呢件法寶笨唔係你哋心入面諗嘅攜帶式靜香，人哋個名叫翻譯蒟蒻呀！只要食咗佢，就可以解開語言上嘅障礙，即使係對住唔同國家嘅人、甚至係貓貓狗狗，都一樣溝通到！嗱，法寶嘅嘢唔係淨係得卡通片先有，日本成田機場都有個「神奇翻譯大聲公」呀！

聽講「神奇翻譯大聲公」下個月就會開始試用，雖然呢件法寶未先進到識講動物話，但只要啲職員對住佢講日文，佢就可以自動翻譯做英文、韓文同國語講返出嚟㗎喇～

btw，毛毛唔識韓文，國語又淨係識聽「操你媽的」，連英文毛毛都淨係識I go to school by bus......咁可唔可以發明返個講廣東話可以翻譯做其他語言嘅大聲公畀毛毛呀？

封面圖片來源：每日新聞

資料來源：每日新聞、aviationwire