每當毛毛見到熊本熊部長啲相嘅時候，都會好葡萄佢hea到一個點嘅法式旋轉生活，而啱啱毛毛又見到隻衰鬼喺度曬馬喇！

豈有此理吖，平時啲囡囡見到熊本熊已經忍唔住飛撲埋去㗎啦，而家你仲要拖住隻白馬出嚟，成個白馬王子咁款，點夠你玩呀大佬？

唔止呀，隻衰鬼仲出動到陪馬馬食草草呢招，諗住塑造返個愛心爆棚嘅形象?！你呃到啲囡囡，但你呃唔到毛毛㗎！哼！

唉我知，我知我已經係冇咩比得上你㗎喇，但你都唔使曬完馬之後再曬埋你架靚車㗎？

Ok fine，大家唔使安慰毛毛，我一啲妒忌、羨慕、葡萄都冇！真係少少都冇呀......嗚嗚......

封面圖片來源：くまモン Kumamon 熊本熊 Kawaii
資料來源：くまモン Kumamon 熊本熊 Kawaii、Japan Likers