2015年11月30日 星期一
【喊出嚟】籃神高比拜仁宣佈退休！
NBA籃球員高比拜仁，可能係最接近神嘅男人，宣佈打埋呢個球季就要退役喇！嗚嗚，毛毛不能接受呀！
佢仲寫咗首好似分手信咁嘅詩，表達喺呢20年嚟對於籃球生涯嘅感受。為咗睇得明佢講咩毛毛特登破例去咗查字典喇，首詩大概係話由佢6歲嘅時候接觸籃球已經深深愛上咗呢種運動。為咗籃球，佢一直都好努力，但係再鋒利嘅刀都有生鏽嘅一日。今年，佢已經37歲，雖然佢個心仲係好想打籃球，但係佢個身體話畀佢知已經負荷唔到喇。而事實上喺過去兩個球季，佢亦都因為傷患錯過咗百幾場賽事。
作為一個運動員，有心無力，可能係世界上最sad嘅事。籃神，希望你退出球界之後可以繼續發光發亮！btw男人老狗寫埋晒啲分手詩，真係睇到毛毛喊咗出嚟，唔講住喇，我要去抹下眼淚同埋自閉下先，唉。
圖片來源：Kobe Bryant Facebook
