眾所9知，噚日郭富城喺微博upload咗拖手仔相，公開佢同上海Model方媛Moka嘅父女戀情！呢個閃光彈一出，真係閃盲咗無數網民嘅眼睛，毛毛都覺得好酸呀～

不過酸嘅又點止毛毛吖，一眾酸到漏嘅網民都齊齊影相抽水！冇女朋友仔嘅咪惟有手仔拖腳仔囉......

再唔係，手仔拖狗仔又得～

狗仔都冇隻嘅，咪拎返你今朝飲茶食淨隻鳳爪都出嚟囉.....

唔止呀，就連男神王宗堯都忍唔住要抽一抽水～喂咪住先，毛毛就話酸啫，你已經男神嚟喇喎，你又酸乜嘢呀下？

不過你哋班網民抽水還抽水，小心揸車先得㗎，你哋抽到連深圳交通警都要抽埋一份，提醒你哋「开车时必须集中精力，千万不要做与开车无关的事。不仅不安全，还可能引起其他错误效仿…」喇......

咦咦咦，睇真啲，乜原來深圳交通警唔係抽水，佢哋真係查緊郭富城㗎？

真係估唔到原來深圳交通警嘅辦事效率係咁高......唉，我知城城又有愛情嘅滋潤，好心急想同大家分享，但你都唔好又要勞煩阿寶先得㗎！

封面圖片來源：東森新聞雲、深圳交警

資料來源：郭富城微博、靚抽王 Bull Shxt King、作家苗千語、王宗堯Instagram、深圳交警

回帶：【曬到眼殘】城城post相冧爆27歲model