唉，古乳有暈：「可憐天下父母心」，試問有邊個父母唔想自己仔女係讀書叻嘅乖豬吖！

講到讀書叻，一定係極速完成學位嘅蔡思貝BB啦！嗱嗱嗱，蔡思貝BB係港姐，美貌與智慧笨重，毛毛覺得一啲都唔出奇，但原來港姐嘅媽媽，一樣係咁叻豬！媽媽唔單止自己開咗間公司做老闆，仲幫蔡思貝BB寫入學推薦信添，有圖有真相呀！

不過呢，伯母就唔記得申報兩個人嘅關係，聽講隱瞞關係虛假陳述，會犯法㗎，毛毛唔信伯母會做犯法嘢，應該係公事太繁忙唔記得咗啫！但伯母間公司叫Cheerful Media& Co.，咁Cheerful應該冇咩嘢做先係㗎～

查下查下，有人嘩嘩聲咁發現香港根本冇呢間公司，唉⋯⋯啲人識咩吖，母愛嘅偉大係可以衝破所有障礙！唔通孟母三遷，又要同人交代咩？所以呢，伯母一定唔係為咗封推薦信先開呢間公司，話自己係老闆嘅！應該咁啱得咁橋啫！

不過講返封信，蔡思貝BB讀嗰菲律賓比立勤國立大學嘅英文係Bulacan State University，但伯母就串咗Bulacau。一日最衰都係毛毛英文差，平日隔住個mon影響到伯母。

分身都唔夠，要出動埋伯母幫手，今次唔知蔡思貝BB點解釋呢？應該都係呢句㗎喇⋯

封面圖片來源：明報、蘋果日報

資料來源：蘋果日報

召返阿寶出嚟先：【你玩晒啦】蔡思貝分身讀大學？