今日，係亞洲亞洲史上最灰暗嘅一日，記載住電視史上一個時代嘅結束......執笠？哦未～睇怕仲有排，係亞視寶寶葉家寶辭咗職呀！

作為一個打工仔，打工打到冇糧出不特止，仲要為咗公司而畀人倒罰返15萬，真係算仁至義盡。

雖然係咁，但係佢本身都仲未打算辭職住，只要公司今個月仲有糧出，佢都會同公司行都最後一日，好可惜，始終都因為一份出唔到嘅糧...

堅持同努力咁耐，去到今日呢個最後關頭，寶寶嘅blog始終都係得58個科勞牙，呀唔係，係終於都要辭職呀！

正所謂天下無不散之水餅，寶寶，一路好走喇，下次記住搵份有糧出嘅工呀！

圖片來源：明報、家寶博客