【立法會流會】林健鋒鬧人冚家咩呀?

突發消息!立法會法定人數不足流會呀!

原圖:經濟日報

今日立法會朝早11點開會,到差唔多晏晝1點嘅時候公民黨嘅陳家洛要求點算法定人數,15分鐘限時之後,懷疑大部份議員都去晒排隊買半價雪糕,搞到唔夠議員開會要流會呀哎唷唷~都好嘅,咪當畀卿姐搞清楚咩係直播打機先開會囉。

​原圖:蘋果日報

​原圖:蘋果日報

律政司長猿國強講完嘢,曾主席就點名叫林健鋒發言啦,點知無啦啦殺出個人民力量陳志全要求點人數,經民聯林健鋒都未開口就畀人閘住,條氣梗係唔順啦,佢就好唔小心好唔小心咁爆咗「冚家」兩個字出嚟呀!喂喂喂,你好似未熄咪喎大佬,你想講咩呀?

圖片來源:CY Leung

毛毛又丁返一男子唱《喜歡你》cover條片,發現林健鋒都有份一齊唱㗎~哦,你係咪想講「冚家......喜歡你」呀?真係sweet嘅啫。

 

 

封面圖片、資料來源:蘋果日報

 

毛記電視網站 · 版權所有 · 不得轉載 Copyright © TVMOST.COM.HK All rights reserved