雲海出咗名係投訴王專挑政府部門機，今次佢要挑機嘅，竟然係維持法紀嘅慈母？

是咁的，話說雲海喺星期日嗰日喺尖沙咀親眼目擊到慈母拉犯，個犯仲要係疑似巴基斯坦藉，身份敏感。但當時現場一個記者都冇，雲海嘅求知慾又強喎，咪打去警察公共關係科問發生咩事囉！打第一次，冇人聽；第二次都冇人聽；結果去到噚日下午先有人聽電話呀！

嗱嗱嗱，古怪嘅事發生喇。呢個自稱黎sir嘅慈母，竟然大大聲話尖沙咀星期日冇雲海所講嘅事發生過！但當雲海講返原來佢當時都喺現場嘅時候，黎sir態度就180度轉變，仲話：「你……冇講過你喺現場喎！冇話過你有報警喎！」之後就話要查下先遲啲再覆喇！

件事仲未完㗎！嚟到今日，黎sir突然勁有心咁主動打返畀雲海解釋，仲話真係有呢件事發生過?！

阿黎sir話喎，原來佢當時check錯file，所以咪搞到以為尖沙咀件事冇紀錄在案囉！係咯，你講咩就咩啦！毛毛實信你哋㗎喎冏察叔叔！

畀人拍晒片都可以唔認罪，仲有咩係講唔出吖？毛毛唔知佢哋想隱瞞啲咩，我剩係想喺度溫馨提示阿雲海，出街唔好行近啲暗角喇，小心畀人打呀！香港靠你㗎！

封面圖片及資料來源：雲海 陳雲海