毛毛要喺度多謝強國再次提供笑話。是咁的，話說今日喺福州機場有架飛機起飛前引擎著火，咁梗係要嗱嗱臨叫班消防員嚟救火啦，點知班消防員噴晒滅火泡沫之後先發現……原來噴錯咗第架飛機呀！

著火嗰架機係中國航空，但佢哋就噴咗旁邊嗰架福州航空嘅飛機！真係７到毛毛都唔敢睇呀！救火都救得錯，梗係畀班網民鬧爆啦：

好彩最後班消防員都回頭是岸，射返架真﹒著火飛機，成件事入面亦都冇人受傷。之不過無啦啦畀人噴嘅嗰架飛機就慘啲囉，聽講咁樣畀啲化學泡沫噴一噴，成架機就唔要得，維修費好貴㗎……不過咁都好合符國情嘅，架架飛機都一樣，班消防員又唔係cool魔，點識分啫！同埋救錯火，都好過唔嚟救吖是咪咁講先。佢哋都算係有效率㗎喇（好似係）。

香港有公僕直情郁手打人?啦！邊個衰啲？毛毛真係唔識答……

封面圖片及資料來源：面具人生mask 微博