你睇吓啲紋身幾靚，真係唔係好信係用對腳紋出嚟㗎！又一次證明，呢個世界有好多你以為做唔到嘅事，原來都係有可能㗎。

呢個叫做Brian Tagalog 嘅27歲紋身師傅雖然天生冇手，但係高中就對紋身好有興趣，阿姨送咗人生第一支紋身槍畀佢之後，佢就苦練用腳拎紋身槍，最後雙腳練習到用手指一樣咁靈活呀！

毛毛有齊廿隻手指腳趾都淨係識畫火柴人咋，但係呢個師傅用十隻腳趾就可以幫人紋身，真係好勁呀！

Brian Tagalog 15歲就拎到紋身師傅資格，但係冇人肯請，於是佢決定自己開舖，間舖叫做Tattoo by Foot呀！

呢個毛文，毛毛突然間有鼓勇氣，我相信我只要畀心機，就算今個聖誕約唔到女神，下個個聖誕都會約到㗎！

圖片來源：odditycentral