北京霧霾有幾嚴重，身在福中嘅我哋梗係唔會知啦！唔知唔緊要，而家可以淘啲霧霾返嚟慢慢了解喇～

一樽樽嘅北京霧霾賣9.9人仔至99蚊都有，有平有唔平，任君選擇。仲要寫明「加濃」、「帶顆粒」，毛毛留名等睇用後（玩命後）報告呀下。

你可能心諗，成嚿幾水買返嚟做乜？咁你真係太年輕喇。文青店主寫明「我們賣的不是空氣，賣的是文化」呀，即係話索一索，即刻成身文化氣息囉，我諗。

仲有買家係因為懷念北京嘅氣味所以先買支霧霾返去回味下…… 諗起個畫面都覺得仲痴過痴漢。

親，其實萬能嘅淘寶真係乜都有得賣㗎，你睇下……

Ok，呢張查實係改圖。冇，講下啫。

封面圖片、資料來源：淘寶