好多人一聽到粗口就會打冷顫，毛毛當然都係其中一個唔L講粗口嘅斯文人啦。之不過呢，有外國勢力研究完一輪後就話，講粗口唔係冇教養嘅表現，實情正正相反?呀！

嗱，嗰份研究唔係毛毛吹出嚟㗎，而係喺一本叫《語言科學》嘅期刊發現嘅。成個研究過程係是咁的，首先叫你一分鐘內盡情爆粗，之後再喺下一分鐘不停講啲動物名。

粗口同動物，兩者有乜關連毛毛都唔L明，但係人哋得出嚟嘅結論就係，成日爆粗嘅人，喺其他方面嘅表達能力會更加清晰㗎喎。其中一個原因係，爆粗嘅人更加擅長用語言嚟表達情感呀，咁林雪咪分分鐘博學多才過吳局腸？

照咁講，為咗返工開會唔再1999，等毛毛嚟緊日日喺屙罰s都爆多啲粗，日講夜講，終有一日會好好口材又媾死女啫！（如果第一日冇畀人炒嘅話⋯⋯）

既然爆粗咁L正，毛毛決定撕走枱頭呢張《100毛員工溝通技巧》喇！