嗚哇！今日真係好L凍，連毛毛都要着夠兩條底褲先夠做！不過幫得小毛毛保暖嚟，又幫唔到毛毛個頭殼頂保暖，就算帶埋冷帽，我塊面都仲係凍吖......不過唔緊要，因為《一拳超人》下年2月就會推出一頂埼玉冷帽，只要戴住佢，連塊面都會暖笠笠㗎～

話明係埼玉冷帽，頂帽就梗係肉色㗎啦，咁先突顯到埼玉個光頭㗎嘛！輕輕一拉就由毒L變超級英雄嚕（如果冇人認錯你係小丸子個爺爺嘅話）～不過話時話，如果戴住呢頂冷帽，咁咪就算喺街撞到仇家都唔使驚囉？

btw，你頂冷帽由頭笠到落頸咁，仲抖唔抖到氣㗎？

封面圖片及資料來源：Ensky_Hobby／twitter