之前毛毛都同大家介紹過強國嘅世界級山寨蠟像啦，嚇到毛毛個心離幾離。最近強國福州又有新嘅恐怖蠟像喇，不如同大家介紹返呀～

第一位要睇睇嘅係章子怡呀！呀唔係，張曼玉，呀唔係，張柏芝呀！旗袍襯Smoky Eye真係夠晒時尚So Chic！毛毛等唔到出年Halloween喇，過幾日就咁著去聖誕Party！

第二位佳麗呢……嗯...... 唔好意思呀，真係要望耐些少先認得出。好似話係鄧麗君喎。唔講毛毛仲以為係發咗福嘅王菲。

嗱！呢個唔使估估下喇！一睇就知係李小龍啦！真係好似呀！相似度100%呀，件衫！

最後一位呢，不如毛毛搵多幾個強國蠟像擺埋一齊啦，每個都有少少似，加埋加埋咪好似囉。

封面圖片來源：大紀元、明報、微博

資料來源：大紀元

延伸閱讀：【恐怖蠟像館】章子怡鞏俐一秒變村姑