聖誕節都唔戴返頂聖誕帽扮cute呃like就冇機會㗎喇，梗係要著行啲去party啦！不如一齊睇下今年有咩打耳造型囉～？

正所謂輸人都唔好輸陣，出嚟玩，架車夠型已經贏咗半。靚車再加埋鹿角仔、紅色鼻鼻，離遠都已經搶晒眼啦！

呢隻出現喺MK嘅聖誕鹿個樣相當狗呀下，唔講毛毛都畀你呃咗，想吠幾聲同你傾下計！

平時講開得意嘅動物，第一時間都淨係會諗到貓仔狗仔兔仔松鼠仔呢啲細粒仔，邊會諗到大大份嘅犀牛呀？有一班專門救援同照護非洲野生動物嘅義工就幫啲犀牛BB喺隻角上面戴咗頂小小聖誕帽，可愛度即刻爆燈呀！

睇完靚車界同動物界表代，不如睇返其他朋友仔又有咩打扮呀～本身著紅色衫扮聖誕老人就冇乜特別嘅，但成班聖誕老人一齊踩住電單車報佳音就超超超超超型喇！

再睇埋呢棵識得行嘅聖誕樹同抱抱龍呀～未去到party已經著定成套衫出街，畀著毛毛就唔敢喇……Btw，有冇人同毛毛一樣咁傻咁天真，第一眼以為係有另一個人烏低身扮恐龍畀個friend騎住？

咦喂，唔扮聖誕鹿唔扮聖誕老人，扮熊本熊，又幾有新意喎！不過連聖誕帽都唔戴，戴頂黑色巫婆帽……老老竇竇，你是咪搞錯咗Halloween呀師兄？

封面圖片、資料來源：小心駕駛(討論別人駕駛態度)、Care for Wild Africa、●【爆料公社】●