自從上次《警訊》毒L借電話一集轟動香港影視界，今集輪到《警訊》影帝吳良榮aka.堅哥拍愛情片，仲係一個包含背叛、三角戀同犯罪元素嘅愛情故事，今次MK活地阿倫葉大導都要行埋一邊呀！

好喇，毛毛由呢一刻開始劇透，想自己睇嘅拉落最底搵link啦。呢個傷心愛情故事，要由堅哥同前度阿May分手開始講起.....

你睇，呢場失戀戲，堅哥嘅眼神係有內心戲㗎！

然後為咗忘記傷痛，佢識咗現任女朋友Heily，兩個人都有過一段快樂嘅時光（留意返，蜜運中嘅堅哥係著粉紅色衫的），一齊影下裸照咁就在所難免。


可惜，就喺呢個時候，堅哥又同前度糾纏，最後都係選擇咗同Heily講分手......

傷心嘅Heily唯有用之前影落嘅裸照嚟要脅堅哥復合，仲嬲到要勒索十萬補賞心靈損失，於是罪案終於發生所以呢個毛文就係警察叔叔出返嚟嘅時候喇。

分手，搵第二個，遇返前度，就好似葉大導愛情電影系列嘅主旨咁：講到底，愛情不過係一場互相傷害嘅遊戲。幾分鐘就拍得晒十幾套戲嘅劇情，如果《警訊》出大電影真係分分鐘可以攞埋金像獎喎。

睇片(10:54開始)：RTHK《警訊》