根據亞太區研究條毛中心嘅調查發現，PS4係男人最想要嘅禮物（好似係），毛毛都有一部㗎！嗯……自己買囉。好講返正經嘢先，嗱聖誕節又過咗，扑性day又過埋，係時候拆禮物喇！外國就有個小朋友收到佢爸爸喺百貨公司買嚟送畀佢嘅PS4，你睇下揸住個盒影相幾開心豬！

講多無謂，打機就最實際。影完相呃like就梗係嗱嗱聲拆開個盒拎部機出嚟玩先啦：

點知一拆開，P你個K！係就係PS4，不過係木製嘅囉！上面仲要寫咗粗口，你玩我咩老竇！聽講個小朋友一見到嚿木，即刻傷心到喱埋喊呀！

老竇面對呢個嚴重圖文不符嘅情況都一臉無奈，心諗我畀咗咁多錢你畀啲咁嘅嘢我？！最後惟有拎返去間百貨公司度換貨，間百貨公司亦都應承畀返部真機畀佢，仲送咗啲禮品卡同遊戲碟畀佢作為賠償。但係部木製PS4到底係邊度變出嚟，間公司就話仲要調查下先喇。計毛毛話，其實最慘都唔係收到假貨，而係，根本冇人送嘢畀你囉......

封面圖片及資料來源：Foxnews/英國鏡報