香港人又再一次揚威國際喇喂，19歲的大學生袁斯樂（Kelvin Yuen）拎咗2015國家地理攝影大賽的青年組冠軍同佳作獎呀！！

呢張相個名係《野孩子追夢的世界》拎咗2015國家地理攝影大賽青年組冠軍呀！攝影藝術嘅嘢毛毛雖然係識條鐵，但係都是旦講兩句，毛毛覺得呢張相真係影到嗰種喺懸崖上孤身追求理想嘅氣概，55，就係呢一代香港年輕人嘅味道。

仲有呢張相叫做《在夢中的一夜》，拎咗2015國家地理攝影大賽佳作獎項，仲有其他呢個風格嘅相都影得好靚。

啲雲同啲樓影到世界將我包圍咁樣樣，唔知點解，張張相都好似睇到香港嘅感覺，睇下睇下，仲有少少眼濕?，因為呢個，就係一個19歲青年人睇到嘅香港，你話陰公唔陰公。

Any肥，多謝袁斯樂同學幫香港影低咁多又靚又有feel嘅相，真係好叻豬，恭喜晒你得獎呀！

袁斯樂facebook：Kelvin's Landscapes