狗狗不嬲都係人類最忠心嘅朋友，聖誕節嗰陣就有個外國勢力些牙咗一段賺人熱淚嘅故事，睇到毛毛濕晒隻眼～

呢隻狗狗為咗救佢嘅主人，燒到毛都甩埋，容都毀晒，真係好慘慘豬呀！位網友仲叫大家集氣畀like & share，將呢隻狗狗嘅愛宣揚出去～真係巧感動呀！！

果然人間有愛，呢隻忠心狗狗嘅故事好快就得到網民嘅瘋傳，集到6萬幾個likes同、11萬幾個shares同毛數咁多嘅祈禱祝福，希望Facebook大神可以賜予力量令狗狗快啲好返～

不過當好多人都為狗狗集氣祈禱嘅時候，總有眼利嘅網民出嚟突破盲腸～呢位網民就弱弱咁問咗個好哲學嘅問題，乜……隻狗狗塊臉上面唔是一塊火腿咩？畀佢咁一講，毛毛又覺得真係幾似火腿喎～

網民被一言驚醒洛克人之後，覺得自己被人玩嬲豬，瘋狂留言diu9開post嗰位網民～鬼咩！呃人同情心唔係呃呀？畀著毛毛都嬲啦！like & share係錢嚟㗎！！

之後潛咗好耐水嘅嗰位開post嘅網民終於頂唔緊要爆啦！！留言話張狗狗相係佢專登搵返嚟呃9嗰班成日都懶醒兼自以為好有愛心嘅on9仔嘅！下？唔L係啩！原來係假㗎？咁毛毛啲眼淚咪白流囉！

不過當毛毛冷靜落嚟之後，覺得佢真係鬧得毛毛好啱……唔睇唔諗清楚就likes & share，好容易變做7L獴獴畀人笑㗎，你估下下可以話自己部腦畀黑客入侵咩？邊有咁L多黑客呀！

封面圖片來源：Stephen Roseman
資料及圖片來源：Stephen Roseman、梗男、Denise Mulrain