出嚟啦，關公！毛毛搵到2015年最後一個關公災難喇！（希望真係最後一個啦……）話說送禮勤要去強國做嘢，到咗先發現行李寄失咗，點知足足十幾個鐘之後先拎得返，仲要唔係航空公司送去酒店畀返佢，而係要佢個團隊人員自己去返機場攞呀！（辛苦晒送禮勤……個工作人員）

又冇得換衫又冇得用返自己個私家枕覺覺豬，送禮勤梗係變嬲豬勤啦。雖然已經凌晨2點幾，但佢都不忘喺facebook將航空公司嘅惡行公諸於世，話自己「真的嬲怒了」，仲叫航空公司檢討下?喎。

正所謂識睇一定睇comment，成班網民就洗版寸爆佢，叫佢唔好當自己個gap係貼紙簿呀！大家都話，個gap上面貼太多barcode貼紙，會搞到電腦唔知scan邊個先啱，所以咪寄失咗囉。

樂觀啲諗啦，其實個gap可以有咁多barcode貼紙係好幸福㗎！毛毛連行李喼都冇，真係好提子嬲豬勤可以有個貼滿barcode嘅喼呀。

呀，毛毛橫睇掂睇，都搵唔到嬲豬勤送畀曼聯份禮物上面有貼barcode喎，點解又會唔見嘅？

封面圖片、資料來源：李克勤 Hacken Lee