終於平安渡過聖誕同除夕，捱到2016喇！希望新一年可以有個新開始，做嘢順順利利、唔使成日畀腦細話啦～Errr......不過喺香港地做打工仔邊有好日子過㗎？有做緊sales嘅讀者就同毛毛講，佢間公司搞咗個「懲罰計劃」同班員工開年呀！

嘩嘩嘩，達唔到target 100％同達到最少target嗰三間分店嘅員工第二日就要返多半粒鐘，仲話嗰半粒鐘冇OT補水?？！喂，其實一句講晒咪即係得達到target 100％嘅員工先唔使返多半粒鐘囉......

btw，張通告度有句「以上獎罰遊戲結果將會每天的第二天公佈」㗎喎，說好的獎呢？點解得罰嘅......

btw，其實喺得香港打工就注定日日OT無極限㗎啦！以為冇咗個「懲罰計劃」就唔使OT？少年，你太年輕了......想發達咪跟王日日日同叻哥學下點樣做個成功嘅人囉～