嗚哇！見到出道5年嘅坤哥拎完大台新人獎之後，又再勇奪叱吒樂壇我最喜愛男歌手獎，毛毛睇到呢個真．勵志故事都睇到眼濕濕呀！原來只要相信自己，努力係真係有回報㗎！！！

不過似乎唔係個個都係咁諗喎～DJ陳海琪就喺FB度話，其實喺娛樂圈默默耕耘嘅人都仲有好多，係冇機會咋嘛......

事後友台蘋果日報就WhatsApp訪問返陳海琪，點知佢竟然直線抽擊咁回覆，話「不要高興得太早，去年是棋子，今年往後也可能一樣而不自知！寄語一些高興得太早太天真的人」喎！

人哋係一位咁有名嘅前輩，佢一定唔係葡萄緊坤哥啦，以毛毛9估，佢肯肯定想提醒坤哥下年要繼續努力，keep住咁好成績啫！最後毛毛都想同返坤哥講，你付出嘅努力，毛毛同全世界都見到㗎，加油～

封面圖片來源：商業電台直播畫面、陳海琪Facebook、TVB
資料及圖片來源：蘋果日報、商業電台直播畫面、陳海琪Facebook、TVB

重溫坤哥上次攞獎血淚史：
【真‧坤哥訪問】終於拎到新人金獎！！