喂，知唔知邊個係盧覺強呀？香港版嘅神探伽利略喎？用開咩牛頓定律、加速率嚟翻案嘅佢，竟然用小學除數就還到人清白？

是咁的，有位朋友揸車小路出大路嘅時候，畀架超晒速嘅跑車撞到，點知個跑車司機話自己開緊50km/h，告返人轉頭，話佢唔睇路呀，而班慈母連車速都唔check就告呢位朋友不小心駕駛！

於是佢就搵咗盧教授幫手喇～要翻案就要證明跑車嘅速度超過最高時速，而經過教授精密嘅計算，架跑車嘅速度有成139km/h！

當毛毛以為教授又用埋啲冇人明嘅理論嗰陣，佢竟然話今次識計除數就夠？毛毛就瞭解過喇，呢次真係入門級題目嚟，啱晒啲想做神探嘅新手呀！一齊嚟睇睇喇！

教授睇返閉路電視，發現架跑車由一棵樹駛去另一棵樹嘅距離係9米，而需要嘅時間只係0.24秒！憑呢兩個數據，就可以計到實際速度！即刻嚟計下先～

點解計出嚟同教授個正確答案有出入嘅？嗯嗯，呢個時候就交畀毛毛伽利略啦～毛毛相信教授為咗方便講解，將跑9米所需時間講做0.24秒、講少幾個小數位咁，應該用0.23309秒先計到139km/h出嚟㗎～

毛毛係咪難得地好型呀？女神妳睇唔睇到咁型嘅毛毛呀？咦？女神呢？

資料來源：壹周Plus