毛毛睇嚟睇去都睇唔透，到底點解只係一張同人講聲早晨呀、叫人著多件衫呀嘅長輩圖，都可以有咁多姨媽姑姐share？

世界就係咁奇妙，成日都會有人盲share啲日日都會見到嘅圖！明明好普通，但見人share自己唔share，就好似會好out咁！

最近twitter上面呢張相，都竟然有成6千幾share呀！咁毛毛以後唔使咁畀心機出post啦，又寫文又整圖先得幾百share，佢求其影粒士多啤梨就咁多人share……唉，灰9呀。到底點解呢粒士多啤梨會咁出名呢？唔通係用波多野bb啲sss種出嚟嘅？定係一食就可以變木村咁型仔呀？

原來呢粒士多啤梨，表面上係一粒士多啤梨，但佢實際上，笨唔係士多啤梨！是咪好玄呢～佢其實係由一個日本網民畫出嚟㗎！嗱，喺呢個角度睇就清楚晒啦～真係畫得好似喎！唔怪得之會有咁多人些牙啦！

呢位網民仲成日將自己左手當畫紙，畫好多唔同嘢上去㗎～

呀，毛毛都有張圖想同大家些牙呀，不為什麼，請分享呢粒墨呀。

其實都係毛毛畫上去㗎咋～傻豬！

封面圖片、資料來源：bamly_0714/ twitter

延伸閱讀：【同意請按讚】你一定有喺親戚group收過嘅圖