毛毛之前漏低咗個figure喺酒店，打咗幾十次電話先攞得返，都唔知幾辛苦呀！不過可能係毛毛住間酒店太cheap雞啦，如果住嘅係呢間酒店嘅話，就唔使打電話問，而且隻figure仲會好似呢隻兔公仔咁，享受完五星級服務先返屋企?～

話說有隻兔公仔同主人喺愛爾蘭度假，點知喺返屋企嘅時候，佢畀人漏低咗呀！

但酒店嘅人竟然幫佢搵主人不單止，仲繼續提供五星級服務畀佢？！

嗱，齋等會肚餓㗎嘛，梗係整返個英式下午茶先啦～咦喂，一隻公仔使唔使食咁多呀？

仲要敷住mask曬太陽、做埋spa，你呢隻公仔都好有生活態度喎！

最後等咗兩日，佢屋企人終於嚟接佢嚕～

不過比著係毛毛，有得享受啲咁高質嘅服務，就梗係打死都唔跟佢哋返屋企啦！嘻嘻～

封面圖片及資料來源：Adare Manor Hotel/Facebook