毛毛細細個就最鍾意玩層層疊㗎喇，一層疊一層咁，越疊得高就越有成功感，但估唔到超市啲職員原來都同毛毛一樣，有鋪層層疊癮呀～

嘩～呢個曲奇層層疊又真係疊得幾高喎，高過晒啲光管，仲疊到上天花?！疊得咁高，如果毛毛買嗰陣抽走最底嗰盒，會唔會真係好似玩層層疊咁冧落嚟㗎？之後毛毛可能成為世界上第一個比盒餅扑死嘅人......

其實喺外國啲超市，班外國勢力玩層層疊玩得仲癲啦，直頭砌咗架坦克車出嚟?呀～

不過偉大嘅強國都唔執輸㗎，睇下佢哋啲貨疊得幾有創意，幾有藝術細胞！




原來超市啲層層疊都可以有咁多種玩法㗎！雖然啲貨砌得咁靚，唔知點解毛毛真係有啲衝動想走埋去……推冧晒佢哋，咩啫你玩層層疊最high都係睇佢冧啫～（脷伸：唔夠膽做）

封面圖片來源：Wings Fan/Tai Po 大埔
資料及圖片來源：Wings Fan/Tai Po 大埔、Ricky Kinder/Twitter、ido社區
超市高手回帶：【巧有心思】超市店員砌中秋汽水罐陣