昨夜香港街頭發生一單罕見火車意外，一輛列車出現嚴重翻側，暫時未知傷亡人數，《毛記電視》對事件表示密切關注並致以慰問。

喺呢個目測係一條街嘅地方，有一輛型號疑似係火車頭Thomas嘅列車翻側橫倒喺地上，發生啲咁嘅事大家都唔想，不過毛毛都好想知道呢件事係點樣發生。

不過有網民話，其實架列車唔係翻側咗喎，踩住咗條路軌架人哋！睇唔到咩你！張相應該係咁睇㗎！

不過天寒地凍夜媽媽見到隻火車頭Thomas橫屍街頭都咪話唔驚，其實你哋有冇人同毛毛一樣，次次望耐啲阿火車頭Thomas都覺得佢啲笑容越來越詭異，一路望住你笑......一路望住你笑......笑到你心都寒埋......

所以毛毛覺得如果係自己見到呢架嘢咁樣樣瞓喺度，應該會嚇到個心離一離......

來源： ‎Idy Sze Ho‎/小心駕駛(討論別人駕駛態度)