天氣凍到咁，毛毛每日都喺張床磨咗好耐，先儲得夠氣揭開張被，呢個原因遲到都好合理啫？之不過就算出咗門口，都凍到唔想行，每一步都好似復仇勇者咁喺雪地爬下爬下，呢個原因再遲多啲啲，都一樣好合理啫？

不過就算凍到落雪，人類都識著衫，但如果寵物凍嘅話，都唔知點同你講好......喵喵汪汪汪，你識聽咩！

而台南市政府就巧有愛咁立咗條新規定，要啲主人喺寒流嚟到之前同寵物做足準備，唔係就會罰3000至15000蚊台幣㗎喇！

雖然寵物要保暖，但唔好唔記得啲流浪毛孩先得㗎！計毛毛話，應該要好似呢間希臘咖啡店咁，收咗舖就開放畀啲流浪毛孩過夜～

又或者好似呢兩個熱心香港人咁，整啲流浪貓箱畀貓貓瞓～

但講到人間有愛嘅極致，都真係非強國正苦莫屬！伯伯你凍呀？畀條短裙你吖，唔夠咪加條熱褲囉，話明熱褲，包你熱過著十件羽絨啦！仲唔快啲多謝黨？

btw，毛毛溫馨提示：如果下星期真・冬天嚟到，記得著多件衫！係咪好窩心呢？但不要愛上毛，毛只是寒流。

封面圖片來源：sunnybynightsunnybyday、netdna-cdn、毛毛隻毛孩

資料來源：台南市政府官方網頁

溫暖回帶：【媽好暖呀！】咖啡店收留流浪毛孩過夜
溫暖再回帶：【皇恩浩蕩】強國派短裙熱褲畀癱瘓老伯禦寒