女神成日都話鍾意夾夾機入面啲公仔，於是毛毛就苦練夾公仔神功，希望有朝一日夾得公仔歸嘅同時，又可以抱美人歸！但呢部公仔機嘅公仔，毛毛就唔忍心夾喇！

喺塞爾維亞一個小鎮，有隻貓咪因為天氣太凍呢，佢匿咗入去部夾夾機度，同啲公仔一齊取暖呀～究竟佢係點入去嘅呢？以毛毛嘅偵探頭腦推斷，隻貓貓肯肯定係喺個公仔出口度捐入去嘅（除非唔係）！

雖然佢個樣睇落好似幾梳乎咁喎！不過佢咁樣匿喺部機入面，會唔會侷親㗎？

聽講嗰度嘅居民見到佢好似被困喺部夾夾機度，就即係叫警察叔叔救佢出嚟喇！55，好彩呢隻貓貓唔係喺強國啫，希望地方嘅警察畀到溫暖你啦～喵～

封面圖片、資料及圖片來源：news.com.au