沙煲咁大個拳頭，又或者拳頭咁大個沙煲......大家就見得多啦～咁唔知成個瑜珈波咁大個嘅椰菜，大家又見過未呢？話說今日唔知咩日子，facebook突然出現咗好多張台灣網民捧住巨型椰菜嘅相，就好似呢個後生仔咁咋嘛，你睇下佢手上面個椰菜幾大個～

嘩，又真係幾大喎！不過都未夠呢位嬸嬸個椰菜大，要用晒兩隻手先捧得起㗎！

而另外呢個台灣網民手上面嗰個都唔輸蝕～btw，係咪多啦A夢支放大電筒流出咗市面呀？點解毛啦啦會有咁多巨型椰菜出現嘅？！

唉，其實呢啲巨型椰菜不嬲都有㗎，係台灣澎湖特有嘅品種嚟嘅，仲話一個可以有成15至20公斤咁重?～不過聽講呢啲菜就比較硬身啲，又冇一般椰菜咁好食，所以好少會拎出嚟賣。

btw，食咩椰菜吖，識食一定食盤菜～55。

封面圖片來源：陳哲尉／●【爆料公社】●、Edison Huang
資料來源：林峰正／●【爆料公社】●、蘋果日報