哇！！奇景呀！！龍蝦竟然紆專降貴搭地鐵？不過唔係住喺邊度關你L事嗰隻梁唐龍蝦，係真龍蝦呀，仲好生猛下㗎！


呢兩位大媽喺港鐵車廂入面好努力咁pack緊呢箱龍蝦，由於入面真係唔知有幾多隻龍蝦，個喼冚極都冚唔埋，啲蝦腳撐晒出嚟掙扎，如果毛毛識聽龍蝦話，佢哋一定喺度話救命呀放過我啦好嗎？

兩個大媽成個人跪落個個喼度都係塞唔埋個喼，你睇呢隻龍蝦個表情幾咁無辜呢。

不過話時話，毛毛中學都叫讀過兩年敗屙，龍蝦呢樣嘢好似係動物嚟㗎可？

不過香港地龍蝦係有特權唔係唔知呀？下次如果啲廢青要帶啲咩樂器呀畫架呀搭港鐵，貼龍蝦兩隻字喺個盒度就冇事㗎喇！

睇片：Lee Ming Fai/香港突發事故報料區

來源：Lee Ming Fai/香港突發事故報料區、香港鐵路附例