毛毛作為一個勤力扮工嘅員工，邊有時間出去食lun廚呀，日日都係叫外賣食㗎咋，所以同啲外賣叔叔姨姨都見慣見熟，會吹返幾句水㗎～不過大家都咁忙，真係一句起兩句止㗎咋，唔會好FD咁囉～

台灣有個網民話自己叫咗個M記外賣，當佢收到之後大啖大啖咁飲緊香噴噴嘅粟米湯嘅時候，竟然又收到啱啱個外賣哥哥嘅電話喎，唔通佢未畀錢畀人追數？

唔好咁黑心啦！人哋個故仔不知幾warm呀！個外賣哥哥係打去問佢杯粟米湯有冇涼咗，仲唔理三七廿一，去埋佢樓下想送過杯暖暖嘅畀佢呀！哼，計毛毛話，都唔知是咪另一個客退咗單，哥仔又唔想拎返舖頭先問佢要唔要（順便媾女）啫！

55，就係咁，喺一個落大雨嘅晚上，一個愛情故事，就誕生喇…… 唉，這些機會…… 毛毛都好想搵次有個小鮮肉哥哥送外賣嚟，仲咁關心毛毛呀…… 咩喎，FF下唔畀咩。

封面圖片、資料來源：●【爆廢公社】●