大膽呀喵！呢隻貓貓見腸開口，當正自己食放題咁款！本來見佢咁識搵食，都想讚佢叻叻嘅～但係佢好食唔食，偏偏揀咗人類先食得嘅腸腸嚟食，實在太曳曳喇！

話說喺台灣，有人喺鋪頭門口面前掛住一堆香腸......哎呀，咁樣好容易畀啲汪星人偷食㗎嘛，而人類嘅主子（即係喵星人）就梗係幫手睇實啲腸啦，之不過唔小心、唔覺意、順便食返幾條咁啫。

嗱！問題就嚟喇，呢堆腸腸係班重口味嘅人類先食㗎，又鹹又油，無論係貓定狗，食得多都會高血壓兼腎虧㗎！聰明嘅貓貓應該知道唔食得先係㗎嘛......

不過唔食腸腸，都唔好食草喎，毛毛話貓草呀！如果唔係搞到好似呢堆貓貓咁high大咗，就大件事喇......

你班人類仲唔快啲收埋啲腸、收埋啲草！！！

封面圖片來源：方子軒/貓咪也瘋狂俱樂部

資料來源：方子軒/貓咪也瘋狂俱樂部、愛寵醫生