呢排關公有得唞一唞，因為而家興PS災難呀！唔知點解啲PS災難一係唔嚟，一係就keep住停唔到，今日又有一單喇！

kingjer今日發現咗呢個瘦身廣告，雖然家陣潮流興瘦面，之但係你P完塊面都唔該似返塊面吖，外星人以為自己搵返留落地球多年嘅失散親兄妹呀！

仲有不用分那麼細大家都是PS圖嘅小豬，成隻眼變咗正方形又得～得咗。

不過數到2016 9P冠軍都係呢張，頭身手腳都P到九唔搭八，頭身手都唔知係咪屬於同一個人咁滯，條腰同條頸又唔見埋，Janice man可能心諗不如你畀我自己P罷啦。

正所謂post相咪當人低B，出圖真係唔好9P，下次帶PS裝甲，或者幫人帶PS裝甲真係要小心啲喇！

來源：King Jer 娛樂台、youbeauty、BAZAAR