毛毛細個嗰陣，都有FF過可以好似哈利波凸咁鍾意幾時隱型就幾時隱型㗎，咁就可以偷偷地喺夜晚打......機，又唔驚畀阿媽鬧囉。不過等到而都未仲未等到隱型斗縫有得賣，不過隱型方法其實都有好多種嘅～

而日本呢隻綠色吉祥物就唔係自己想隱型，不過一上節目就喺鏡頭前面隱咗形喇。

呢隻綠色嘅吉祥物去咗個天氣節目度做嘉賓，雖然佢唔識講嘢搞氣氛，但就有超能力，一行埋幅牆度就隱咗形呀！嚇到個主持彈開三步?！

佢無啦啦隱咗形，係因為佢嘅膚色唔夠鮮明同出眾，同幅牆、即係個綠幕太接近。

如果你哋睇到呢度都未知點解佢會隱形，咁毛毛唯有解釋下啦：

綠幕係拍嘢時常見嘅背景嚟嘅（《六點半左右新聞報道》就係咁拍㗎喇），用呢塊綠色布做底就可以key第二個背景上去，但係如果你咁啱著綠色衫，或者好似隻吉祥物一樣天生綠嘅話，就會畀電腦當咗做背景。

要隱形真係話咁易㗎咋，不過對毛毛嚟講，隱形呢家嘢已經冇用喇......而家喺夜晚打下機都唔使偷偷地啦，係擔心第二日返到公司唔夠瞓瞌着咗畀腦細睇到咋，而家毛毛想要一件去咗射波都會show到你喺度嘅發明多啲呀。

封面圖片及資料來源：paniccannel2/youtube