噚日情人節，又係唔少妹豬大顯地獄廚藝嘅時候喇，就好似呢位日本網民嘅家姐咁，就整咗盤好有愛嘅曲奇出嚟！

Er……毛毛讀得書少，呢啲好似整容失敗，三尖八角鑽石型咁嘅款，係乜公仔嚟㗎？唔通係肉色嘅湯瑪士火車頭？BTW，啲曲奇使唔使咁逼呀，毛毛望多幾眼都有密集恐懼喇！

哦，原來啲曲奇未整容失敗之前係麵包超人嚟㗎！好哋哋發到豬頭咁，話就話仲係新年要好意頭啫，都唔使真係發成咁呀！

之不過～雖然啲麵包超人個樣肥佬，都唔代表佢哋嘅味道都肥佬嘅！跟返麵包超人啲面型扑碎佢，都照可以送畀人㗎！如果有妹豬肯親手整曲奇畀毛毛食，話知佢整嘅係麵包超人定包面超人定V面超人吖，毛毛都肯肯定會一啖啪咗佢……啲曲奇呀！

封面圖片、資料及圖片來源：miiko210127/twitter
變身食物回帶：【喊出嚟】自製minions湯圓搞成咁樣樣…